Ինչպես հաղորդում է իտալական ANSA լրատվական գործակալությունը, Իտալիայի նախկին վարչապետ Սիլվիո Բեռլուսկոնին երգիչ Մարիանո Ապիչելայի հետ նոյեմբերի 22-ին թողարկելու է նեապոլիտանական երգերի ձայնասկավառակը: Il Vero Amore կամ «Իսկական սեր» կոչվող ձայնասկավառակում կլինեն այն երգերը, որոնց հեղինակը նախկին վարչապետն է, և որոնք կատարվում են Ապիչելայի կողմից, հայտնում է Los Angeles Times-ը:
Ինչպես արդեն հայտնել էինք, ձայնասկավառակը պետք է թողարկվեր սեպտեմբերին: Այս փաստը կասկածներ է առաջացրել, ըստ որոնց՝ Բեռլուսկոնին հետաձգել է թողարկումը, քանի որ զբաղված էր Իտալիան սնանկացումից փրկելու գործով:
Ապիչելան ANSA-ին ասել է. «Դա անմտություն է։ Ես ոչ մի կապ չունեմ քաղաքական աշխարհի հետ: Ես բախտավոր եմ, որ Սիլվիո Բեռլուսկոնիի ընկերն եմ: Բայց կարևոր են երգչի և ոչ թե երգ գրողի որոշումնները: Ես եմ ձայնասկավառակի վրա աշխատում, և ես էլ որոշում եմ, թե այն երբ է թողարկվելու»:
