Reuters-ը հաղորդում է, որ Սիրիայի բանակի կողմից հետախուզական համալիրի վրա հարձակումը, որի հետևանքով, ըստ հայտարարությունների, անվտանգության 20 ծառայող է զոհվել կամ վիրավորվել, ՌԴ արտաքին գործերի նախարարին ստիպել է այսօր հայտարարել, որ Սիրիան կանգնած է «իսկական քաղաքացիական պատերազմի» շեմին:
Սիրիայի նախագահ Բաշար Ալ-Ասադի դեմ 8 ամիս տևած ապստամբության ընթացքում ծայրամասային համալիրի վրա տեղի ունեցած հարձակումը առաջինն է, որ ուղղված է անվտանգության ծառայության դեմ` ցույց տալով, որ պայքարը կարող է ծավալվել նաև Սիրիայի կենտրոնական ուժերի դեմ:
ՌԴ արտաքին գործերի նախարար Սերգեյ Լավրովը նաև հայտարարել է Մոսկվայի այն պահանջի մասին, որ Սիրիայի կառավարության և ընդդիմության միջև բանակցություններ պետք է սկսվեն: Լավրովը նշել է, որ «բոլոր պետությունները, որոնք խաղաղ լուծում են ուզում» Սիրիայում, պետք է պահանջեն, որ կառավարությունը և ընդդիմադիր խմբերը դադարեցնեն բռնությունները և սկսեն բանակցությունները, որոնք, ըստ Լավրովի, պետք է տեղի ունենան Արաբական լիգայի շտաբներում: