Ինչպես հայտնում է The Daily Telegraph-ը` հղում կատարելով Forbes Media ընկերության տնօրենների խորհրդի նախագահ և գլխավոր խմբագիր Սթիվ Ֆորբսին, Forbes Media ընկերությունը, որը թողարկում է Forbes հանդեսը, մտադրություն ունի 2011 թ. բացել հանդեսի եվրոպական մասնաճյուղը:
Նրա կարծիքով, ճգնաժամից հետո ԵՄ-ում զգալիորեն մեծացել է հետաքրքրությունը բիզնեսի և ձեռնարկատերերի հանդեպ, որոնք և պետք է լինեն Forbes Europe-ի գլխավոր թեման: Այն կտպագրվի անգլերենով: Խմբագրության գրասենյակը, ըստ Սթիվ Ֆորբսի, կլինի կամ Փարիզում, կամ Լոնդոնում:
Հիմա Forbes Median արդեն տպագրում է տարածաշրջանային Forbes Asia հանդեսը, որն ունի 6 միլիոն ընթերցող: Բացի այդ, ընկերության լիցենզիայով հանդեսը տպագրվում է առանձին երկրներում:
Forbes հանդեսի տպաքանակը, որը լույս է տեսնում ԱՄՆ-ում երկու շաբաթը մեկ, 900 հազար է, իսկ հրատարակչության կայքն ամսական ունենում է 15 միլիոն այցելու:
