РИА Новости-ի փոխանցմամբ՝ ԱԷՄԳ-ի գլխավոր տնօրեն Յուկիյա Ամանոն, այսօր հանդես գալով ԱԷՄԳ-ի ղեկավար խորհրդի երկօրյա նիստի բացման ժամանակ, անդրադարձել Իրանի միջուկային ծրագրին.
«Վստահության արժանի է այն տեղեկատվությունը, որ Իրանը մինչև 2003 թվականը զբաղվել է միջուկային զենքի մշակմամբ։ Իրանի միջուկային մշակումների մասին տեղեկատվությունը հավաքել են ԱԷՄԳ-ի փորձագետները։ Նրանք դա ստացել են ամենատարբեր աղբյուրներից»։
Ամանոն նաև հույս է հայտնել, որ շուտով կհանդիպի Իրանի ղեկավարության հետ. «Ես հուսով եմ, որ շուտով կհամաձայնեցվի Իրանի ղեկավարության հետ հանդիպման հարմար ժամկետը։ Ավելի վաղ ես այդ նպատակով նամակ եմ հղել Իրանի փոխնախագահին և միջուկային գերատեսչության ղեկավարին։ Ես Իրանին ԱԷՄԳ-ի հետ հրատապ համագործակցության կոչ եմ անում»։
Հիշեցնենք, որ ԱԷՄԳ-ի զեկույցը բաղկացած է ավելի քան հազար էջից, որում ներառված են տասնյակ երկրների հետախուզական և այլ տվյալներ, ինչպես նաև բուն ԱԷՄԳ-ի հավաքած տեղեկատվությունը։
