Ֆրանսաբնակ քաղաքագետ, Ֆրանսիայի Ռազմավարական հետազոտությունների հիմնադրամի փորձագետ (Հարավային Կովկասի, Թուրքիայի, Իրանի և ՌԴ հարցերով) Կայծ Մինասյանը «Առաջին լրատվական»-ին քիչ առաջ տեղեկացրեց, որ նոյեմբերին ԵԱՀԿ ՄԽ-ում ֆրանսիացի համանախագահ Բեռնար Ֆասիեն կատարելու է իր վերջին տարածաշրջանային այցը:
Կայծ Մինասյանի վստահելի աղբյուրները հայտնել են, որ ԵԱՀԿ ՄԽ-ում ֆրանսիացի նոր համանախագահ է նշանակվելու Ժակ Ֆորը, ով Ուկրաինայում Ֆրանսիայի դեսպանն է: Ֆրանսիացի դիվանագետը ավարտում է դեսպանի առաքելությունը Կիևում:
Ժակ Ֆորը 1977-1980թթ. աշխատել է Ֆրանսիայի ԱԳՆ կենտրոնական ապարատում, 1980-1981թթ. Վարշավայում Ֆրանսիայի դեսպանատան երկրորդ քարտուղարն է եղել, 1981-1985թթ.` նույն դեսպանատան առաջին քարտուղարը:
Դիվանագետը 1989-1992թթ. Ֆրանսիայի ԱԳՆ Արևելյան և Կենտրոնական Եվրոպայի վարչության ղեկավարի պաշտոնակատարն էր, 1992-ից`նույն բաժնի ղեկավարը: 1992-1994թթ. Ժ. Ֆորը Ֆրանսիայի դեսպանն է եղել Ալբանիայում, 1994-1998թթ.` Էստոնիայում, 1998-2003թթ. Ֆրանսիայի ԱԳՆ կենտրոնական ապարատի Եվրոպական համագործակցության բաժնի ղեկավարի տեղակալը, 2003-2007թթ.` Սլովակիայում Ֆրանսիայի դեսպանը, 2007-2008թթ. Ֆրանսիայի ԱԳՆ Եվրոպայի բաժնի ղեկավար, իսկ 2008-ից Կիևում Ֆրանսիայի դեսպանն էր:
