Բրազիլիայում հրապարակվել են 2010 թվականի մարդահամարի տվյալները: Այնտեղ պատմության մեջ առաջին անգամ սպիտակները դադարել են մեծամասնություն համարվել:
Ինչպես հայտնում է BBC-ն, ըստ մարդահամարի տվյալների՝ Բրազիալայիում ապրում է մոտ 191 միլիոն մարդ, որոնցից 91 միլիոնը մարդահամարի ժամանակ իրենց համարել են սպիտակ ռասայի ներկայացուցիչ, 82 միլիոնը հայտարարել են, որ պատկանում են խառնուրդ ռասային, իսկ 15 միլիոնը` սև: Եվս երկու միլիոն բրազիլացի ներկայացնում է դեղնամորթ ռասան: Բնիկների թիվը Բրազիլիայում հասնում է 817 հազարի:
Սպիտակ բնակչության մասնաբաժինը կազմում է 47,7 տոկոս: 2000 թվականին նրանք կազմել են բնակչության 53,7 տոկոսը: Սևամորթների մասնաբաժինը այս ընթացքում ավելացել է` 6,2 տոկոսից հասնելով 7,6 տոկոսի, խառնամուսնությունները՝ նույնպես. 38,5 տոկոսից 43,1 տոկոսի: Մարդահամարի նախնական տվյալներն արձանագրել են Բրազիլիայի հյուսիսի և հարավի բնակչության, գյուղերի ու քաղաքների, աղքատների և հարուստների անհավասարություն:
Բրազիլիայի աշխարհագրության և վիճակագրության ինստիտուտի տվյալների համաձայն՝ 10 տոկոս հարուստ բրազիլացիները ստանում են ամբողջ եկամտի 44,5 տոկոսը, այն դերքում, երբ 10 տոկոս աղքատները` ընդամենը եկամուտի 1,1 տոկոսը:
