Ամփոփելով ԼՂ հիմնախնդրի շուրջ զարգացումները՝ Արկադի Տեր-Թադևոսյանը նշեց, որ Լեռնային Ղարաբաղի հակամարտության կարգավորման հարցում աջ կամ ձախ ուղղություն չկա, քանի որ 11 տարի շարունակ Հայաստանը բոլոր միջազգային հանդիպումներում և համաձայնագրերում պարտվողական դիրքերից է խոսում: Օրինակ՝ ասում ենք, որ մենք տարածքային ամբողջականության կողմնակից ենք , իսկ ոչ մի հանդիպում այդ մասին չի ֆիքսվում: Ինչը չի կարելի ասել Ադրբեջանի մասին: Ավելին, մենք չգիտենք, թե ի՞նչ ենք ցանկանում: Ինչ վերաբերում է Հայաստանի կողմից Լեռնային Ղարաբաղի անկախության ճանչմանը, Արկադի Տեր-Թադևոսյանը ավելացրեց, որ չի կարող հասկանալ՝ ի՞նչ է նշանակում ճանաչել ԼՂ անկախությունը: «Եթե խոսքը ազատագրված տարածքների մասին լինի՝ ես կհասկանամ, ինչ վերաբերում է ամբողջ ԼՂ տարածքին, ապա չեմ հասկանում, քանի որ նույնիսկ խաչքարերն են ապացուցում, որ մերն է»,- ավելացրեց Արկադի Տեր-Թադևոսյանը և համաձայնեց, որ ԼՂ ճանաչման գործընթացը կսրի պատերազմի վտանգը:
