– Սերժ Սարգսյանը մասնակցել էր ՀՅԴ 120-ամյակի միջոցառմանը: Ինչպե՞ս հասկանանք այդ փաստը:
– Պետք է մտածել, որ մենք քաղաքական կոալիցիայում ենք եղել, հետո նոր են ընդդիմություն դարձել: ՀՀԿ-ն ՀՅԴ-ի հետ բավականին լուրջ ճանապարհ է անցել, հրավեր է եղել, հրավերն ընդունվել է:
– Արդյոք այդպես կասկածի տակ չդրվե՞ց ՀՅԴ ընդդիմադիր լինելը:
– Այսինքն` եթե Սերժ Սարգսյանը մասնակցում է նրանց միջոցառումներին, ուրեմն` ընդդիմություն չեն: Հենց նման ծայրահեղ մոտեցումներն են, որ մեր քաղաքական դաշտը ընդդիմադիրների կողմից մշտապես լղոզվում է: Մենք պատրաստ ենք ցանկացած նման հրավերի մասնակցել, իսկ դա կախված է նրանից, թե ինչ կառուցողական փոխհարաբերություններ ունենք այդ կուսակցության հետ:
– Իսկ Հայ ազգային կոնգրեսի միջոցառումներին կմասնակցե՞ք:
– Նախ` Կոնգրեսը մեզ չի հրավիրել նման միջոցառման, բացի այդ` բազմիցս չի արձագանքել մեր հրավերներին:
– Եթե խոսում եք միասին ճանապարհ անցնելու մասին՝ Տեր-Պետրոսյանի նախագահության տարիներին Սերժ Սարգսյանը նախարար էր:
– Բայց մենք հրավեր չենք ստացել…
– Եթե ստանայի՞ք…
– Եթե ստանայինք՝ կմտածեինք: Իսկ մենք հրավերներ ենք ուղարկել, նաև` ԱԺ դահլիճի բացման արարողության ժամանակ և՛ Առաջին նախագահին, և՛ այն ժամանակվա իշխանություններին:
