Грузия Online-ի փոխանցմամբ՝ երեկ Բրյուսելում տեղի ունեցած ԵՄ-ի անդամ երկրների արտգործնախարարների հանդիպման ժամանակ ԵՄ-ի անդամ 8 երկրներ նամակ են ստորագրել, որը Լիտվայի նախաձեռնությամբ հասցեագրվել է 4 եվրակոմիսարներին։
Այդ փաստաթղթի վրա իրենց ստորագրություններն են դրել Բուլղարիայի, Չեխիայի, Հունգարիայի, Լատվիայի, Լիտվայի, Էստոնիայի, Լեհաստանի ու Ռումինիայի արտգործնախարարները։ Նամակի հեղինակներն ուշադրություն են հրավիրում ԵՄ-ի տված խորհուրդների իրագործման հարցում Վրաստանի ունեցած առաջընթացի վրա և կոչ են անում ձեռնամուխ լինել այդ երկրի հետ ազատ առևտրի գոտու և անցագրային ռեժիմի վերացման վերաբերյալ պայմանագրի կնքման բանակցություններ սկսելուն։
Իր ելույթում Լիտվայի արտգործնախարար, ԵԱՀԿ գործող նախագահ Աուդրոնյուս Աժուբալիսը ԵՄ-ի անդամ երկրներին կոչ է արել առավել սերտորեն համագործակցել Ուկրաինայի, Վրաստանի և Մոլդովայի հետ։
