Նոյեմբերի 13-ին տեղի ունեցած ընտրություններում Իջևանի քաղաքապետ է ընտրվել ԲՀԿ-ական թեկնածու Վարդան Ղալումյանը: «Առաջին լրատվական»-ին այս մասին տեղեկացրեց ԲՀԿ պատգամավոր Նաիրա Զոհրաբյանը:
Նրա խոսքով, 13 հազար 857 ընտրական ձայնի իրավունք ունեցողներից ընտրություններին մասնակցել է ավելի քան 8700 ընտրող: ՀՀԿ-ական թեկնածուին նա շրջանցել է մոտ 1650 քվեով:
Ընտրապայքարը ընթանում էր երկու թեկնածուների` գործող քաղաքապետ, ՀՀԿ անդամ Վարուժան Ներսիսյանի և քաղաքի ավագանու անդամ, ԲՀԿ անդամ Վարդան Ղալումյանի միջև: Երկուսն էլ իրենց թեկնածությունը առաջադրել էին ինքնառաջադրմամբ:
ԲՀԿ-ական թեկնածուի վստահված անձանցից մեկը` ԱԺ «ԲՀԿ» խմբակցության անդամ Նաիրա Զոհրաբյանն էր: