ԱԺ «Ժառանգություն» խմբակցության պատգամավոր Վարդան Խաչատրյանը թեև «Ժառանգություն» խմբակցության հետ միասին ստորագրել էր ԼՂՀ անկախության ճանաչման մասին օրինագծի տակ, սակայն չէր քվեարկել: ՍԴՀԿ վարչության անդամ Գուրգեն Եղիազարյանը, անդրադառնալով այդ փաստին, ասաց, որ այդպես նա ապացուցեց, որ ճշմարիտ էր, երբ ասվում էր, որ Վարդան Խաչատրյանը իշխանությունների թելադրանքով փորձեց մտնել ՍԴՀԿ և կազմաքանդել այդ կուսակցությունը: «Եթե նա ստորագրում է նախագծի տակ, բայց հետո կողմ չի քվեարկում, դա նշանակում է մեկ բան. իշխանությունները թույլ չեն տվել: Այլ կերպ չեմ կարող մեկնաբանել»,- ասաց նա:
