Գերմանիայի հազարավոր բնակիչներ այսօր մասնակցել են բողոքի հերթական միջոցառումներին, որոնք ուղղված են իշխանությունների ֆինանսական քաղաքականության դեմ: Այս մասին հաղորդում է MIGnews.com կայքը:
Միայն Ֆրանկֆուրտում, որը համարվում է Գերմանիայի տնտեսական մայրաքաղաքը, հավաքվել է մոտ 10 հազար ցուցարար, ովքեր շրջափակել են այն թաղամասը, որտեղ տեղակայված են խոշոր բանկեր: Բեռլինում ցույցերին մասնակցում էր 8 հազար մարդ:
Ցուցարարներն իրենց դժգոհությունն են արտահայտում իշխանությունների ֆինանսական քաղաքականության դեմ և հույս ունեն մեծացնել իրենց ճնշումը:
Հիշեցնենք, որ վերջերս Գերմանիայում մեկ այլ շարժում էր սկսվել, որը խորհրդանշում էր հրաժարումը եվրոյից և վերադարձը մարկին: Այս լոզունգի ներքո ստեղծվել էր մի ամբողջ կուսակցություն:
