Ուրիշ մեկը անսթափ վիճակում ելույթ ունենար, այն խաշ ուտող քաղաքական գործիչներից մեկը՝ «Նոր ժամանակներ» կուսակցության նախագահ Արամ Կարապետյանը կհասկանար, բայց վարչապետի պահվածքը չի կարողանում հասկանալ:
«Վարչապետը բավականին ինտելիգենտ մարդ է համարվում, լեզուներ իմացող: Հետևաբար ինձ համար լիովին անսպասելի էր վարչապետի նման պահվածքը: Ճիշտը, որ ասեմ՝ դա պահվածք չի: Նման բան չի կարելի անել և չի կարելի երբևէ թույլ տալ: Քաղաքական էլիտայի յուրաքանչյուր ներկայացուցիչ պետք հաշվի առնի, որ իրեն նայում է բնակչությունը, հետևաբար նա պետք է էտալոն լինի, և ոչ միայն նա: Յուրաքանչյուր քաղաքական գործիչ, հատկապես այդպիսի բարձր պաշտոնյա: Նա թիվ 3-րդ պաշտոնյան է: Այսինքն՝ այս հասարակությանը ինչի տեղ են դնում այս մարդիկ:
Կրկնեմ, որ ինձ համար շատ անսպասելի էր, որ հենց ինքն էր: Ուրիշ մեկը լիներ, այն խաշ ուտող քաղաքական գործիչներից մեկը, ներող կլինեք, որոնք ոչ կրթվածության աստիճան ունեն, ոչ ինտելիգենտության, կհասկանայի: Սակայն նա բավականչափ կրթված և դպրոց անցած մարդ է: Գիտեք, իմ տպավորությունն այնպիսին է, որ մարդը հոգնել է և ամեն ինչ անում է, որ իրեն գործից հանեն»,- իր տեսակետը հայտնեց Արամ Կարապետյանը:
