Պլովդիվում անցկացվող Եվրոպայի շախմատի ակումբային գավաթի խաղարկությունում երեկ մեր թիմերը հաղթանակներ տոնեցին: 4-րդ փուլում «Միկա-Երեւան» տղամարդկանց թիմը մրցում էր բոսնիական «Bihac CK» ակումբի հետ, որն անսպասելի հայտնվել էր առաջատարների դիրքերում: Սակայն մեր հավաքականը խոշոր` 5:1 հաշվով հաղթանակ տարավ այս թիմի նկատմամբ: Մեր հավաքականում միայն Վլադիմիր Հակոբյանն ու Գաբրիել Սարգսյանը ոչ-ոքի ավարտեցին իրենց հանդիպումները: Մնացած խաղացողները` Լեւոն Արոնյանը, Արման Փաշիկյանը, Տիգրան Պետրոսյանն ու Զավեն Անդրեասյանը, հաղթեցին իրենց մրցակիցներին: Այս հաղթանակից հետո Հայաստանի հավաքականը, «SOCAR Azerbaijan»-ի «Economist-SGSEU-1» -ի հետ միասին, կրկին երեք առաջատարների շարքում է, որոնք ունեն 8-ական միավոր եւ ընթանում են առանց կորուստների: Այսօր մեր հավաքականը մրցելու է 12-րդ վարկանիշն ունեցող եւ մրցաշարային աղյուսակում 4-րդ տեղը զբաղեցնող չեխական «G-Team Novy Bor» թիմի հետ:
Կանանց մեր թիմն էլ լավ հանդես եկավ` հաղթելով սերբական «BAS Beograd» թիմին` 3:1 հաշվով: Այստեղ հաղթանակներ տարան Հարիկա Դրոնավալին եւ Լիլիթ Մկրտչյանը, իսկ Էլինա Դանիելյանն ու Լիլիթ Գալոյանը ոչ-ոքի ավարտեցին իրենց պարտիաները: Մրցաշարի առաջատարները երեք ոչ-ոքի խաղալով թույլ տվեցին, որպեսզի մեր աղթիկների թիմը ընդհուպ մոտենա նրան: Այսօր մեր` «Միկա–Երեւանը» կխաղա ռուսական «AVS» թիմի հետ, որն այս պահին 7 միավորով մրցաշարի առաջատարն է:
