Ինչպես փոխանցում է «Բիզնես -24» կայքը, Արտարժույթի միջազգային հիմնադրամի (ԱՄՀ) տվյալներով, հաջորդ տարի սպասվում է Հարավային Կովկասի երկրների տնտեսության բարելավում: ԱՄՀ-ն կանխատեսում է, որ Կովկասի և Կենտրոնական Ասիայի 8 երկրներում տնտեսական աճը կկազմի 5,7%, ինչը զգալի աշխուժացում կառաջացնի:
Ակտիվացում կլինի էներգակիրներ արտահանող երկրներում: Ադրբեջանում տնտեսական աճը կկազմի 4,5%, Ղազախստանում` 5,5%, Ուզբեկստանում` 8%, Թուրքմենստանում` 9,5%: Էներգակիրներ չարտահանող երկրներում այդ աճը կկազմի 4,0-5,5%: 2009 թ. Վրաստանում արձանագրվել է բյուջեի ամենամեծ դեֆիցիտը` 9-10%, այս տարի այն կրճատվել է մինչև 6-7%: Ըստ փորձագետների՝ և՛ Հայաստանի, և՛ Վրաստանի համար ամենամեծ մարտահրավերը կլինի բյուջեի դեֆիցիտի կրճատումը:
