ԱԺ ՀՀԿ խմբակցության պատգամավոր Հովհաննես Սահակյանը մեզ հետ զրույցում անդրադարձավ Մոսկվայում սքինհեդների հակակովկասյան կոչերին ու բողոքի ակցիաներին: Նա նշեց, որ հակակովկասյան, այդ թվում` հակահայկական ելույթները, մանավանդ բարեկամ երկրներում մտահոգիչ են: «Հատկապես գործընկեր երկրներում ազգայնական ցույցերն ու տրամադրություններն անընդունելի են, քանի որ դրանք հղի են ողբերգական հետևանքներով»,- ասաց Հ. Սահակյանը: Ըստ նրա`ՀՀ իշխանությունները պետք է դողան ու փորձեն պաշտպանել յուրաքանչյուր քաղաքացու: «Մեր նամակագրական կապերով պետք է պահանջենք մեր գործընկեր երկրներից, հատկապես ՌԴ-ից, որ եթե նման երևույթները զարգանան, ավելի մեծ մասշտաբներ կրեն, ապա զգոն լինեն և թույլ չտան նման երևույթներ: Այդ ամենն անհանգստացնում է»,- ասաց Սահակյանը: