Ինչպես հայտնում է i-Muzik կայքը, Հայաստանը դեռ չի դիմել 2011 թ. մանկական Եվրատեսիլը Հայաստանում անցկացնելու համար: Կայքը տեղեկացնում է, թե պարտադիր չէ, որ հաղթող պետությունը անպայման իր հարկի տակ անցկացնի այս մրցույթը, ինչպես դա մեծահասակների մրցույթի ժամանակ է: Ինչպես հաղորդել է հանրային հեռուստառադիոընկերության խորհրդի նախագահ Ալեքսան Հարությունյանը, առավել հավանական է, որ Հայաստանը չի դիմի մրցույթն անցկացնելու համար, քանի որ կան որոշակի ֆինանսական խնդիրներ, և հարցը բաց կմնա մինչև տարվա վերջ:
Եթե Հայաստանը հրաժարվի, առավել հավանական թեկնածուն Ռուսաստանն է, որի ներկայացուցիչը զբաղեցրել է երկրորդ տեղը 2010 թ. մանկակական մրցույթի ժամանակ: