«ՀՀՇ-ի երիտասարդական թևում ոչ մի խնդիր չկա, այսօր մեր երիտթևն ակտիվ աշխատում է, 470 երիտասարդ ունենք և մոտենում ենք 500-ի»,- ՀՀՇ երիտթևում առաջացած խնդիրների վերաբերյալ կարծիք հայտնեց ՀՀՇ վարչության նախագահ Արամ Մանուկյանը:
Նրա խոսքերով, եղել են մարդիկ, ովքեր դուրս են եկել երիտթևից տարիքի պատճառով կամ ծառայության գնալու համար: Մանուկյանը վստահեցրեց, որ ՀՀՇ-ից դուրս եկող որևէ անձ չի եղել, ՀՀՇ երիտթևի նախկին նախագահ Կարեն Կարապետյանը ևս դուրս չի եկել ՀՀՇ-ից: Մանուկյանը նաև հորդորեց լրատվամիջոցներին ՀՀՇ-ի հետ կապված ցանկացած հարցի դեպքում դիմել իրեն և ստանալ անաչառ ու սպառիչ պատասխաններ:
