Ռուսական Regnum լրատվական գործակալության փոխանցմամբ՝ The California Courier թերթի խմբագիր Հարութ Սասունյանը նշել է, որ Սթենֆորդի համալսարանի ուսանողները պետք է իրենց վարչակազմին խորհուրդ տան աշխատանքի չվերցնել այնպիսի դասախոսների, ինչպիսին որ ԱՄՆ նախկին պետքարտուղար Քոնդոլիզա Ռայսն է։
Սասունյանը նշել է, որ ոչ վաղ անցյալում հրապարակված Ռայսի գրքում նշված է, որ նա զգալի ջանքեր է գործադրել Կոնգրեսում Հայոց ցեղասպանության վերաբերյալ բանաձևերի շրջափակման համար։ Սասունյանը կարծում է, որ այս զարմանալի հրապարակումից հետո Ռայսը դասավանդելու բարոյական իրավունք չուներ ԱՄՆ-ի հեղինակավոր բուհերից մեկում։
Սասունյանն ընդգծել է, որ նույն համալսարանում դասավանդում է նաև ևս մեկ նախկին պետքարտուղար Ջորջ Շուլցը, ով հայտնի է իր հակահայկական հայացքներով, ինչը կարող է ազդել համալսարանի հեղինակության վրա։
Հիշեցնենք, որ Հայոց ցեղասպանության մասին բանաձևն ընդունվել է 2010 թվականին Ներկայացուցիչների պալատի արտաքին գործերի կոմիտում, սակայն դրա դիտարկում պալատի լիագումար նիստում շրջափակվում է ամերիկյան վարչակազմի կողմից, ով գտնում է, որ այդ բանաձևը կվնասի Թուրքիայի հետ ռազմավարական հարաբերություններին։