«Մագնիտսկու ցուցակի» մեջ մտնող Ռուսաստանի ՆԳ նախարարության երկու գեներալներ կարողացել են ստանալ ԱՄՆ վիզաներ և մտադիր են նոյեմբերի 15-ին այցելել ԱՄՆ` չնայած ամերիկյան Սենատի` իրենց դեմ կիրառած պատժամիջոցներին:
Ինչպես հայտնում է Wall Street Journal-ը, «Մագնիտսկու ցուցակի» հեղինակ Բենջամին Քարդինը և նրա գործընկեր Ռոջերս Վիկերը պահանջում են ԱՄՆ պետքարտուղար Հիլարի Քլինթոնից ստուգել ռուս գեներալների մուտքի օրինականություն:
Սենատորների նամակում ընդգծվում է պաշտոնական այցի «դառը հեգնանքը»: Գեներալները ԱՄՆ են այցում նոյեմբերի 15-ին, այսինքն՝ Մագնիտսկու մահվան երկրորդ տարելիցից մեկ օր առաջ:
ԱՄՆ պետքարտուղարությունը հրաժարվել է մեկնաբանել նամակը` հայտարարելով, որ վարչությունը չի մեկնաբանում անհատական վիզաներ տալու դեպքերը: Ընդ որում, պետքարտուղարի մամուլի քարտուղար Մարկ Թոները հայտարարել է, որ ԱՄՆ-ը կարող է օրինական մերժել ցանկացած քաղաքացու վիզա տրամադրելը, որը մասնակից է եղել մարդու իրավունքները խախտման գործընթացին: «Եթե Մագնիտսկու մահվան հետ կապ ունեցող որևէ մեկը փաստաթղթեր ներկայացնի Ամերիկայի վիզա ստանալու համար, ապա նրա դեմ կկիրառվեն համապատասխան իրավական միջոցներ»:
