Իրանական Fars News լրատվական գործակալության փոխանցմամբ՝ Իրանի խորհրդարանի՝ ազգային անվտանգության և արտաքին քաղաքականության հանձնաժողովի անդամ Զյուհրե Իլահիյանը հայտարարել է, որ ամերիկյան կենտրոնական հետախուզական վարչությունը (ԿՀՎ), իսրայելական Մոսսադը և բրիտանական Մի 6-ը լրտեսական բազաներ են հիմնում Իրանի 5 հարևան երկրներում։
Խոսքը Իրաքի, Աֆղանստանի, Պակիստանի, Թուրքմենստանի ու Ադրբեջանի մասին է։ Նշվում է, որ նման բազաներից այդ հատուկ ծառայությունների ներկայացուցիչներն ահաբեկչական գործողություններ են կազմակերպում Իրանի ներսում, ինչպես նաև մահափորձեր պատրաստում Իրանի քաղաքացիների դեմ։
Հիշեցնենք, որ իրանական կողմը նախկինում բազմիցս այս երեք հատուկ ծառայություններին մեղադրել է իր տարածքում դիվերսիաներ անցկացնելու և մասնավորապես իր միջուկային ֆիզիկոսներին սպանելու մեջ։