ՀԱԿ-ի ներկայացուցիչ Վահագն Խաչատրյանը ԱԺ ՀՀԿ-ական պատգամավոր Ռաֆիկ Պետրոսյանի հետ բանավեճի ժամանակ հայտարարեց, որ Երևանի քաղաքապետ Գագիկ Բեգլարյանի հրաժարականը առաջին ծաղիկն է, և որ նման երևույթ ամեն օր կարող է տեղի ունենալ: Այդ հրաժարականի հետ Վ. Խաչատրյանը որևէ հույս չի կապում, քանի որ այն տեղի է ունեցել ավազակապետության օրենքներով: Նա օրինակ բերեց այն հանգամանքը որ Նիկոլ Փաշինյանից նամակներ և դիմումներ չեն ընդունում, իսկ Ռաֆիկ Պետրոսյանը տարակուսանք հայտնեց, թե այդ ինչպե՞ս թույլ չեն տալիս նամակներ և դիմումներ գրել, երբ Նիկոլ Փաշինյանի անունով ամեն օր հոդվածներ են հրատարակվում թերթում: Վահագն Խաչատրյանը հակադարձեց, որ դրանք թվագրված են անցյալ ժամանակով և անդրադառնում են անցյալի դեպքերին: