Երևանի ավագանին այսօր կայացած նիստում որոշել է քաղաքապետի ընտրությունները անցկացնել դեկտեմբերի 17-ին:
Ավագանու նիստը վարել է Երևանի քաղաքապետի պաշտոնակատար Տարոն Մարգարյանը: Հիշեցնենք, որ Երևանի քաղաքապետ Գագիկ Բեգլարյանը հրաժարական էր տվել դեկտեմբերի 8-ին: Նշենք նաև, որ ըստ «Երևան քաղաքում տեղական ինքնակառավարման մասին» օրենքի` քաղաքապետի պաշտոնը թափուր մնալուց հետո ոչ ուշ, քան մեկամսյա ժամկետում անցկացվում են քաղաքապետի արտահերթ ընտրություններ: Արտահերթ ընտրությունների ժամանակ քաղաքապետի թեկնածուներ առաջադրելու իրավունքը պատկանում է ավագանու խմբակցություններին: Քաղաքապետ է ընտրվում առավել ձայներ հավաքած թեկնածուն:
Եվ այն, որ իշխանությունը որոշել է շատ արագ լուծել քաղաքապետի խնդիրը, նշանակում է, որ ըստ էության թեկնածուի խնդիր այլևս չկա, և միանշանակ է, որ Երևանի հաջորդ քաղաքապետը լինելու է Տարոն Մարգարյանը:
