Շաբաթ և կիրակի օրերին կայացան Իսպանիայի առաջնության 15-րդ տուրի հանդիպումները: Առաջատարները տարան հերթական հեշտ հաղթանակները. «Ռեալ»-ը մրցակցի հարկի տակ 1:3 հաշվով պարտության մատնեց «Սարագոսա»-ին (գոլերի հեղինակներ՝ Օզիլ, Ռոնալդու, Դի Մարիա): «Բարսելոնա» – «Ռեալ Սոսյեդադ» հանդիպումն ավարտվեց 5:0 հաշվով (գոլերի հեղինակներ՝ Վիլյա, Ինեստա, Մեսսի(2), Կրկիչ): «Վիլյառեալ»-ը մրցակցի հարկի տակ 1:0 հաշվով պարտվեց «Խետաֆե»-ին և երկրորդ տեղում ընթացող «Ռեալ»-ին արդեն զիջում է 8 միավորով:
Մյուս հանդիպումներն ավարտվեցին հետևյալ հաշիվներով` «Սևիլիա» – «Ալմերիա»` 1:3, «Ատլետիկո» – «Դեպորտիվո»` 2:0, «Էրկուլես» – «Մալագա»` 4:1, «Մալյորկա» – «Ռասինգ»` 0:1, «Սպորտինգ» – «Լևանտե»` 1:1, «Ատլետիկ» – «Էսպանյոլ»` 2:1։
«Վալենսիա» – «Օսասունա» հանդիպումը կկայանա այսօր: 15-րդ տուրից հետո մրցաշարային աղյուսակի վերնամասն ունի հետևյալ տեսքը.
1. «Բարսելոնա» – 40 մ.
2. «Ռեալ» – 38 մ.
3. «Վիլյառեալ» – 30 մ.
4. «Էսպանյոլ» – 28 մ.
5. «Վալենսիա» – 24 մ:
