ԱՄՆ Վաշինգտոն նահանգում խնձորի պլանտացիաների տերերը բողոքում են, որ իրենք բերքը հավաքելու համար աշխատողներ չունեն:
Ինչպես հաղորդում է Associated Press-ը, ֆերմերները դրանում մեղադրում են դաշնային կառավարությանը, որը վերջին ժամանակներս որոշ փոփոխություններ է մտցրել ներգաղթյալների մասին օրենքում` բարդացնելով ԱՄՆ մուտք գործելու հնարավորությունը:
Ֆերմերները փորձել են աշխատըատեղերը լրացնել տեղի բնակիչների հաշվին, սակայն վերջիներս ավելի մեծ գումարներ են պահանջում այդ աշխատանքի համար:
«Մեզ մարդիկ են պետք: Հենց դրա համար էլ մենք այդքան մեծ քանակությամբ միրգ և բանջարեղեն ենք աճեցնում: Մենք չենք կարող դրանք հավաքել առանց աշխատողների»,- ասել ֆերմերներից մեկը:
Ամեն տարի Վաշինգտոն նահանգում հավաքվում է շուրջ 15 մլրդ խնձոր, ինչը կազմում է երկրի ամբողջ բերքի կեսը: