ԱՄՆ նախագահ Բարաք Օբաման և ՆԱՏՕ գլխավոր քարտուղար Անդրես Ֆոգ Ռասմուսենը պայմանավորվել են ընդլայնել դաշինքի ռազմական հնարավորությունները:
Ինչպես հայտնում է Xinhua գործակալությունը, ներկայումս դաշինքի պոտենցիալը չի համապատասխանում 21-րդ դարի սկզբի սպառնալիքին, այդ պատճառով նրանք դիմում են նման քայլի:
Բացի այդ, Օբաման և Ռասմուսենը քննարկել են Լիբիայում յոթամսյա ռազմական գործողությունները, որի արդյունքում տապալվեց Մուամար Քադաֆիի բռնապետությունը, և իշխանության եկավ ընդդիմությունը:
Օբաման անդրադարձել է նաև Աֆղանստանում ամերիկյան ռազմական ներկայության կրճատման թեմային: Նա նշել է, որ զորքերի դուրսբերումը տեղի կունենա 2010 թվականի նոյեմբերին Լիսաբոնում դաշինքի գագաթնաժողովի ժամանակ ընդունված նախագծի համաձայն:
Պետք է նշել, որ ԱՄՆ ռազմական հրամանատարության առջև ծառացած է նաև Իրաքից զորքերի դուրսբերման խնդիրը: