Gazeta.ru-ի փոխանցմամբ՝ երեկ Ատոմային էներգիայի միջազգային գործակալությունը (ԱԷՄԳ) հրապարակել է Իրանի միջուկային ծրագրի վերաբերյալ իր զեկույցը, որում նշված է, որ Թեհրանը միջուկային զենքի ստեղծման վրա աշխատանքներ է տարել մինչև 2003 թվականը։
Այս զեկույցի հրապարակումից հետո Թեհրանն այն որակել է որպես հնարովի և անհիմն՝ ընդգծելով, որ իր միջուկային ծրագիրը կրում է խաղաղ բնույթ, և որ ինքը չի զբաղվել միջուկային զենքի մշակմամբ։
ԱԷՄԳ-ի զեկույցից հետո ԱՄՆ-ն պատրաստվում է նոր պատժամիջոցներ սահմանել Իրանի նկատմամբ։ Հնարավոր է, որ դրանք ուղղված լինեն իրանական կոմերցիոն բանկերի ու առաջատար ընկերությունների դեմ, սակայն հազիվ թե վերաբերեն նավթային և գազային ոլորտին։
Հիշեցնենք, որ ԱԷՄԳ-ի երեկվա զեկույցը հիմնված է ամերիկյան հետախուզությունից ստացված տվյալների, ինչպես նաև Իրանում ԱԷՄԳ-ի աշխատակիցների հավաքած փաստերի ու վկայությունների վրա։
