ԱՄՆ-ի 42-րդ նախագահ Բիլ Քլինթոնը գտնում է, որ երկու անգամ նախագահ ընտրված մարդը ընդմիջումից հետո կարող է երրորդ անգամ էլ դառնալ ԱՄՆ-ի ղեկավար: Այս մասին նա հայտարարել է երեքշաբթի օրը՝ MSNBC ամերիկյան հեռուստաընկերության եթերում:
«Ես միշտ կարծել եմ, որ դա պետք է օրենք լինի: Դա միգուցե և պետք չէ հիմա կիրառել, սակայն ապագայում կարելի է այդ ուղղությամբ մտածել»,- ասել է Քլինթոնը, ով գլխավորել է Սպիտակ տունը 1993–2001-ը:
ԱՄՆ-ի օրենքի համաձայն՝ այժմ երկրի նախագահ կարելի է ընտրվել երկու անգամից ոչ ավել: