ՄԻՊ գրասենյակը Հայաստանում նաև հանդիսանում է խոշտանգումների կանխարգելման ազգային մեխանիզմ իրականացնող մարմին: Հայաստանում գրանցվող խոշտանգումների կանխարգելումն իրականացնելու համար ՀՀ մարդու իրավունքների պաշտպանը ստեղծել է խորհուրդ, որի երեք անդամներին նշանակել է ինքը` պաշտպանը, իսկ մնացած չորս անդամները ներկայացնում են իրավապաշտպան հասարակական կազմակերպություններ: Խորդրդի անդամ, Հելսինկյան քաղաքացիական ասոցացիայի Վանաձորի գրասենյակի նախագահ Արթուր Սաքունցը մեզ հետ զրույցում տեղեկացրեց, որ այդ խորհուրդը այդպես էլ չի կարողացել իրականացնել իր ֆունկցիաները, քանի որ վերջինիս գործունեության համար անհրաժեշտ մեխանիզմները անարդյունավետ են եղել: Ավելին` Սաքունցը տեղեկացրեց, որ ԵՄ-ի կողմից 1մլն եվրո է հատկացվել այդ ինստիտուտի կայացման համար: Փաստացիորեն խորհուրդը չի կայացել, քանզի այն նիստեր չի գումարում, քննարկումներ չի իրականացնում, իսկ ԵՄ-ի տրամադրած գումարներն էլ, թերևս, պահվում են նեղ օրվա համար:
