Երևանի արդեն նախկին քաղաքապետ Գագիկ Բեգլարյանի հրաժարականի հաջորդ իսկ օրը քաղաքապետարանի կայքից անմիջապես հանվել է Գագիկ Բեգլարյանի լուսանկարն ու վերջինիս ողջույնի խոսքի ստորագրությունը: Այժմ կայքում Բեգլարյանի ողջույնի խոսքը առանց նրա լուսանկարի և ստորագրության է: Ավելին, քաղաքապետարանի կայքից, մեղմ ասած, ուղղակի մաքրել են Չոռնի Գագոյի բոլոր հետքերը: Որևէ տեղ հնարավոր չէ առնչվել վերջինիս հետ կապված որևէ տեղեկատվության կամ լուսանկարի: Փոխարենը, Գևորգ Դանիելյանից ազատվելու հարցում Արդարադատության նախարարությունը շտապողականություն չի ցուցաբերում: ԱՆ կայքում առայսօր որպես նախարար նշված է Գևորգ Դանիելյանի անունը` վերջինիս ողջույնի խոսքով և լուսանկարով: