ՀՅԴ խմբակցության պատգամավոր Լիլիթ Գալստյանը, խոսելով «Լեզվի մասին» ՀՀ օրենքում փոփոխություններ եւ լրացումներ կատարելու մասին օրինագծի վերաբերյալ, հիշեցրեց, որ խորհրդարանական լսումներ էին կազմակերպվել «Լեզվի մասին» եւ «Հանրակրթության մասին» օրենքների փաթեթի վերաբերյալ, սակայն լսումներին որեւէ օրենսդրական նախագիծ չկար ներկայացված: «Քննարկեցինք անքննելին: Ես չհասկացա, թե ինչը քննարկեցինք, քանի որ քննարկում էինք մի բան, որը չկար»,- հիշեցրեց նա: Գալստյանն անտրամաբանական որակեց «Լեզվի մասին» օրենքում առաջարկվող փոփոխությունները: «Պարտադիր չէ, որ լեզվաքաղաքականությունը, լեզվահարաբերությունների իրավական դաշտը սահմանող «Լեզվի մասին» օրենքում ամրագրենք, որ հանրակրթության առանձնահատկությունները սահմանվում են «Հանրակրթության մասին» օրենքով: Բա իհարկե, «Հանրակրթության մասին» օրենքը պիտի սահմանի այդ առանձնահատկությունները»,- մեզ հետ զրույցում հայտարարեց նա: