ԱՄՆ Մասաչուսեթս նահանգի ծերերի տանը 96 տարեկանում մահացել է ատոմային ֆիզիկայի բնագավառում Նոբելյան դափնեկիր Նորման Ռամսեյը:
Ինչպես տեղեկացնում է Associated Press գործակալությունը՝ հղում անելով Ռամսեյի կնոջը, Նորմանը մահացել է նոյեմբերի 4-ին, սակայն մամուլում նրա մահվան մասին հայտի է դարձել միայն երեք օր անց:
Նորմանը ծնվել էր 1915 թվականին Վաշինգտոնում, մաթեմատիկոսի և սպայի ընտանիքում: 1947 թվականից զբաղեցրել է Հարվարդի համալսարանի ֆիզիկայի պրոֆեսորի պաշտոնը` այն համատեղելով բազմաթիվ պետական և միջազգային գործակալություններում իր գործունեության հետ:
Ռամսեյը 1989 թվականին, գերմանացի ֆիզիկոսներ Հանս Դեմելթոնի և Վոլֆգանագ Պաուլի հետ միասին, ստացել է Նոբելյան մրցանակ միջուկային տատանվող դաշտերի մեթոդի հնարման և օգտագործման համար: Այն իր կիրառումն է գտել ռադիոաստղագիտության, արբանյակային նավիգացիաների և տիեզերքի հետազոտման բնագավառներում:
