Faberge ոսկերչական տունն իր պատմության մեջ առաջին անգամ կկազմակերպի իր ապրանքի գովազդային արշավը:
Ինպես տեղեկացնում է Marketing Week-ը, ոսկերչական տան փոխանցմամբ՝ գովազդային արշավը հայտարարում է ստեղծագործական նոր, ժամանակակից դարաշրջանի մասին; Գովազդի առանցքը կկազմեն Les Saisons Russes («Ռուսական սեզոններ») և Les Fabuleuses de Fabergе («Ֆաբերժեի լեգենդներ») ոսկերչական հավաքածուները, ինչպես նաև՝ ձվի տեսք ունեցող կախազարդիկների հավաքածուները:
Գովազդային արշավին մասնակցելու համար հրավիրվել է ռուս-լիտվական մոդել Բի Ջին: Ինչպես հավաստիացնում են Faberge-ում, Բի Ջին մարմնավորում է ոսկերչական տունը, որի մեջ միախառնվում են արևմտյան և եվրոպական մշակույթները:
Նկարահանումներն իրականացրել է լուսանկարիչ Մարիո Թեստինոն: Գովազդային արշավը կմեկնարկի դեկտեմբերին՝ եվրոպական և ամերիկյան տպագիր մամուլում:
2009 թվականին Բրայան Գիլբերթսոնի շնորհիվ Faberge ոսկերչական տունը վերածնունդ ապրեց: Ինչպես հաղորդվում է ընկերության կայքում, 2009 թվականի դեկտեմբերին Շվեյցարիայում՝ 1971 թվականից հետո առաջին անգամ բացվել է ընկերության բուտիկը: Արտադրությունն ամբողջապես վերականգնվել է 2011 թվականին:
Հիշեցնենք, որ հանրահայտ ոսկերիչ Կարլ Ֆաբերժեն Ռոմանովների ընտանիքի համար ստեծել է հայտնի «Ոսկե ձուն»:Նրա ժառանգները Ֆաբերժեի ապրանքանիշը վաճառել են 1937 թվականին: