Լեհական PGNiG գազային ընկերությունը Ստոկհոլմի արբիտրաժային դատարան հայց է ներկայացրել՝ ընդդեմ «Գազպրոմի»: PGNiG –ը պահանջում է երկարաժամկետ պայմանագրի սահմաններում նվազեցնել գազի սակագինը:
Նախկինում լեհական գազային ընկերությունը ցանկացել է նվազեցնել գազի սակագինը 10 %-ով: Այժմ լեհերը ցանկանում են վերանայել պայմանագիրը, որը կնքվել է 1996 թվականին PGNiG–«Գազպրոմ»–«Գազպրոմ Էքսպորտ» ընկերությունների միջև:
«2010 թվականին Լեհաստանը Ռուսաստանից ներմուծել է 9 մլրդ խորանարդ մետր գազ»,– հայտնում է BBC–ն:
Հոկտեմբերին Լեհաստանը Ռուսաստանին սպառնաց միջազգային արբիտրաժով, եթե Ռուսաստանը գազի սակագնի հետ կապված փոփոխություններ չիրականացնի:
Լեհաստանը . «Գազպրոմից» պահանջեց սակագնի իջեցում այն բանից հետո, երբ Ռուսաստանը 2011 թվականին Էստոնիայի ու Լատվիայի համար 15 % -ի չափով զեղչեց գազի սակագինը:
