Երևանի քաղաքապետարանի տեղեկատվության և հասարակայնության հետ կապերի վարչությունից «Առաջին լրատվական»-ին տեղեկացնում են, որ ձմռան նախապատրաստական աշխատանքների հետ կապված հերթական աշխատանքային խորհրդակցության ժամանակ Երևանի քաղաքապետի առաջին տեղակալ, քաղաքապետի պաշտոնակատար Տարոն Մարգարյանին զեկուցվել է, որ սանմաքրման ձեռնարկությունների գերակշիռ մասը պատրաստ են եղանակային փոփոխություններին` ձեռք է բերվել 625 տոննա աղ, 1467 խորանարդ մետր ավազ, 274 միավոր մեքենամեխանիզմ վերազինվել և պատրաստ է շահագործման:
Կատարվել են վարչական շրջանների տարեկան բյուջեով և ծրագրերով նախատեսված բազմաբնակարան շենքերի թեք և հարթ տանիքների, շքամուտքերի վերանորգման աշխատանքներ, գույքագրվել են այն ենթակառուցվածքները, որոնք կարող են խնդիրներ առաջացնել ձմռան պայմաններում և որոնք լրացուցիչ ֆինանսավորում են պահանջում:
Տ. Մարգարյանը նշել է, որ թեև քաղաքապետարանը պատրաստ է աջակցել այդ հարցերում, սակայն, միևնույն ժամանակ, այդ աշխատանքներին ակտիվորեն պետք է ներգրավել համատիրություններին:
Վերջինս վարչական շրջանների ղեկավարներին հանձնարարել է առաջիկա մեկ ամսվա ընթացքում ուսումնասիրել առկա խնդիրները և ձեռնարկել համապատասխան միջոցառումներ:
Աշնանային ծառատունկի հետ կապված` բնապահպանության վարչության պետը զեկուցել է, որ միջոցառումներ են ձեռնարկվել ծատատունկի կազմակերպման համար և համապատասխան քանակությմաբ ծառեր ու թփեր են տրամադրվել վարչական շրջաններին և կազմակերպություններին:
Տ. Մարգարյանը հանձնարարել է ծառատունկի աշխատանքներում ներգրավել բոլոր շահագրգիռ կազմակերպություններին ու կառույցներին և ծառատունկը կազմակերպել հատկապես այն տարածքներում, որոտեղ առկա է ոռոգման ցանց:
Անդրադառնալով աղբահանության խնդրին՝ Տ. Մարգարյանը նշել է, սանմաքրման աշխատանքներ կատարող ընկերությունների նկատմամբ վերահսկողություն իրականացնող Օպերատիվ շտաբի աշխատանքները բավարար չէ` այն պետք է տարվի 24 ժամ անընդմեջ, որպեսզի արդյունքը տեսանելի լինի:
Կոմունալ տնտեսության վարչության պետի կողմից զեկուցվել է, որ նախորդ ամսվա համեմատ աղբահանության ոլորտում կնքված պայմանագրերի աճը կազմում է 5.7 տոկոս: Ընթացքի մեջ են նաև վարձավճարների համավագրման աշխատանքները:
Տ. Մարգարյանի կողմից հանձնարարվել է վարչական շրջանների միջոցով մեկ անգամ ևս ճշգրտել բազան և մշտական հսկողության տակ պահել հավաքագրման գործընթացը:
Մայրաքաղաքի շուկաներում և ստորգետնյա անցումներում սանիտարական պայմանների ապահովման հետ կապված առողջապահության վարչության պետի կողմից զեկուցվել է, որ ստեղծվել է աշխատանքային խումբ, որը համապատասխան ծառայությունների ներկյացուցիչների մասնակցությամբ շրջայցեր է կատարել Երևսնի բոլոր շուկաներում և ստորգետնյա անցումներում:
Կատարվել են համապատասխան ուսումնասիրություններ, շուկաների տնօրենները հրավիրվել են քաղաքապետարան և համապատասխան ծառայությունների ղեկավարների մասնակցությամբ քննարկվել են առկա խնդիրները: Տրվել են հանձնարականներ սահմանված ժամկետում արձանագրված թերությունները վերացնելու համար, հակառակ դեպքում կվերանայվի շահագործող ընկերությունների հետագա գործունեության նպատակահարմարությունը:
Մայրաքաղաքի արտաքին լուսավորության հետ կապված`Տ. Մարգարյանը հանձնարարել է գույքագրել Երևանի բոլոր այն փողոցները, այգիները, պուրակներն ու բակային տարածքները, որտեղ առկա են արտաքին լուսավորության ապահովման հետ կապված խնդիրներ, հաշվարկել անհրաժեշտ ֆինանսական ծախսերը և համապատասխան աշխատանքներ տանել լուսավորությունը վերականգնելու և վթարները բացառելու ուղղությամբ:
Բակային տարածքների բարեկարգման ծրագրերի շրջանակում գույքագրվել է ևս 230 բակ` մանկական խաղերի տեղադրման համար:
Բակային տարածքներում ֆուտբոլի փոքր դաշտերի տեղադրման վերաբերյալ զեկուցվել է, որ որոշ վարչական շրջաններում ընթացիկ աշխատանքները զիջում են որակական առումով: Հանձնարարվել է հետևողական լինել բոլոր շինրարական կազմակերպությունների աշխատանքների վերահսկողության ուղղությամբ` նշելով, որ միաժամանակ պետք է դիտարկել առաջիկա մրցույթներում աշխատանքներում թերացած կամակերպություններիի մասնակցության հարցը և հակառակը` պետք է ընդառաջել բարեխիղճ կազմակերպություններին բոլոր հարցերում:
Անդրադառնալով տրանսպորտի ոլորտին` Տ. Մարգարյանը հանձնարարել է Ճանապարհային ոստիկանության հետ համատեղ վերահսկողություն իրականացնել միջմարզային կիսաճեպընթաց և ճեպընթաց երթուղիների կանգառների և վերջնականգառների սահհմանված կարգիպահպանման ուղղությամբ:
Նշվել է նաև, որ նոյեմբերի վերջին սպասվում է մեծ տեղատարողությամբ ավտոբուսների առաջին խմբաքանակի ներկրումը և պետք է նախապատրաստվել շահագործման համապատասխան գործընթացը:
Անդրադառնալով թափառող կենդանիների վնասազերծման աշխատանքներին`նշվել է, որ 2012թ. աշխատանքները պատշաճ մակարդակով իրականացնելու նպատակով պետք է ներգրավել նաև այլ կազմակերպությունների և ամենօրյա հսկողության տակ պահել տարվող աշխաանքները, քանի որ վերջին շրջանում քաղաքացիներից ահազանգեր են ստացվում թափառող շների հարձակումների վերաբերյալ: