Pella նավը, որի վրա նոյեմբերի 3-ին հրդեհ էր բռնկվել, այսօր առավոտյան խորտակվել է Կարմիր ծովում: Նավը խորտակվել է 750 մետր խորությամբ տեղանքում՝ եգիպտական ծովափնյա Նուբեյբու քաղաքից ոչ հեռու:
Al-Masri Al Yoyum–ը հայտնում է, որ Arab Bridge Maritime կազմակերպության ներկայացուցիչն ասել էր, թե հրդեհը վտանգավոր չէ, և նավը չի խորտակվի:
Arab Bridge Maritime կազմակերպության գլխավոր տնօրենը հայտնում է, որ այս հրդեհը խոչընդոտ չի դառնա միջազգային նավարկությունների համար, սակայն հրեական ու եգիպտական բնապահպանական կազմակերպություններն անհանգստացած են, որ հրդեհը կարող է վատ հետևանքներ ունենալ շրջակա միջավայրի վրա, քանի որ չգիտեն նավում գտնվող 85 տոննա վառելիքը, որի 25 տոննան բենզին էր, այրվե՞լ է, թե՝ ոչ:
Հրդեհը բռնկվել էր նոյեմբերի 3-ին երբ նավը ուղևորվում էր Ակաբից դեպի Նուբեյբու: Նավում գտնվել է 1200 մարդ, մահացել է միայն մեկը:
