Իտալիայի վարչապետ Սիլվիո Բեռլուսկոնին կարող է իրականացնել այնպիսի բարեփոխումներ, որ երկիրը դուրս գա փակուղուց:
Չնայած շատ քաղաքական գործիչներ լքում են իրենց պաշտոնները, այնուամենայնիվ Բեռլուսկոնին նշում է, որ ազգային ժողովում դեռևս կան ուժեր, որոնց միջոցով հնարավոր կլինի իրականացնել բարեփոխումներ:
Reuters գործակալությունը հայտնում է, որ Բեռլուսկոնին կհրաժարվի իր պաշտոնից միայն նոր ընտրությունների անցկացման դեպքում: Նա չի հեռանա` իշխանությունը հանձնելով որևէ ժամանակավոր կառավարությանը:
Իտալիան իր տնտեսության զարգացմամբ երրորդն է եվրոզոնայի տարածքում և չորրորդը՝ խոշորագույն վարկառուների շարքում՝ ԱՄՆ–ից, Ճապոնիայից ու Գերմանիայից հետո:
Կաննում G20–ի Եվրոպական հանձնաժողովն ու ԱՄՀ –ն պայմանավորվել են Իտալիայի հետ, որ մոնիտորինգ կկազմակերպեն՝ տնտեսական բարեփոխումներ իրականացնելու համար:
2011 թվականի հոկտեմբերի վերջին Սիլվիո Բեռլուսկոնին իր եվրոպական գործընկերներին խոստացել է բարեփոխել կենսաթոշակային համակարգը և աշխատանքային օրենքները, արագացնել ենթակառուցվածքային նախագծերի իրականացումը, արդիականացնել պետական կառավարման համակարգը, արագացնել տնտեսական աճը և նվազեցնել ազգային պարտքը: