Ինչպես հայտնում է Եվրահանձնաժողովի պաշտոնական կայքը, Եվրամիության անդամ պետությունների և Արևելյան գործընկերություն ծրագրի պետությունների արտաքին գործերի նախարարները կհանդիպեն դեկտեմբերի 13-ին Բրյուսելում: Հայտնի է նաև, որ այդ նիստը կգլխավորի Եվրամիության արտաքին քաղաքական և անվտանգության հարցերով հանձնակատար Քեթրին Էշթոնը: Այս հանդիպումը նախատեսված էր անցկացնել նոյեմբերի 27-ին, սակայն հետագայում հետաձգվել էր տեխնիկական պատճառներով:
Ոչ պաշտոնական աղբյուրները հայտնում էին, որ հետաձգման պատճառը Աստանայում դեկտեմբերի սկզբին կայացած ԵԱՀԿ գագաթնաժողով էր, որտեղ նախատեսվում էր քննարկել տարածաշրջանի համար կարևոր հարցեր, և որի արդյունքները ցանկալի էր ունենալ ԵՄ-Արևելյան գործընկերություն այս հանդիպման ժամանակ: Սակայն, ինչպես երևում է, իզուր էլ հետաձգեցին:
