Իրաքից զորքերը դուրս բերելուց հետո ԱՄՆ-ը պատրաստվում է այնտեղ թողնել շուրջ 5000 մարդ, այդ թվում զինծառայողներ` ամերիկյան դեսպանատան պաշտպանության համար: Այս մասին հայտարարել է ԱՄՆ Պետդեպարտամենտի պաշտոնական ներկայացուցիչ Վիկտորյա Նուլանդը: Այս մասին հաղորդում է Reuters գործակալությունը:
Անցյալ շաբաթ ԱՄՆ նախագահ Բարաք Օբաման հայտարարել էր, որ 2011 թ. վերջին զորքերն Իրաքի տարածքից ամբողջությամբ դուրս կբերվեն:
«Այժմ բանակցություններ են տարվում Կոնգրեսի հետ, քանի որ ներկայությունը պահանջում է ֆինանսավորում: Սակայն մենք հույս ունենք պահպանել Իրաքում լիարժեք դեսպանատուն` 1700 մարդ, և շուրջ 5000 մարդ, ովքեր կապահովեն նրանց անվտանգությունը»,- հայտարարել է Նուլանդը:
Նուլանդը նաև հաստատել է, որ ԱՄՆ-ը շարունակում է բանակցությունները Իրաքի կառավարության հետ`դեկտեմբերից հետո ԱՄՆ քաղաքացիական ներկայությունն ավելացնելու նպատակով:
