Ճապոնական Kirin Holdings Co. գարեջուր արտադրող ընկերությունը համաձայնել է գնել բրազիլական Schincariol Participacoes e Representacoes գարեջուր արտադրող ընկերության բաժնետոմսերի 49,54 տոկոսը: Գործարքի գումարը կազմում է 2,35 միլիարդ ռեալ (1,35 միլիարդ դոլար): Այս մասին ասվում է Kirin Holdings ընկերության պաշտոնական մամլո հաղորդագրության մեջ:
Ինչպես նշում է Bloomberg գործակալությունը, այդ գործարքը ռեկորդային կլինի ճապոնական ընկերության համար: Վաճառքի հաշվին Kirin Holdings-ն իր ներկայությունը կամրապնդի զարգացող շուկաներում:
2011 թվականի օգոստոսին Kirin Holdings-ը ձեռք է բերել Aleadri-Schinni Participacoes e Representacoes ընկերության բաժնետոմսերի 100 տոկոսը: Aleadri-Schinni Participacoes e Representacoes ընկերությանն է պատկանում Schincariol Participacoes e Representacoes-ի բաժնետոմսերի 50,45 տոկոսը: Գործարքի գումարը կազմել էր 3,95 միլիարդ ռեալ:
Kirin Holdings-ը ճապոնական շուկայում գարեջրի արտադրությամբ զբաղեցնում է երկրորդ տեղը Asahi Breweries-ից հետո: Schincariol-ը Բրազիլիայում խոշորագույն գարեջուր արտադրող ընկերություն է, որը Nova Schin, Devassa, Glacial, Baden Baden տեսակի գարեջուր է արտադրում, ինչպես նաև Schin և Skinka ապրանքանշանով գազավորված ջրեր, հյութեր և ջրեր: