Kurdistan.ru-ն, վկայակոչելով AVRO թերթը, հայտնում է, որ Եվրախորհրդարանի անդամ Նեսսա Չելդերսն իր խորհրդարանական ելույթում հայտարարել է, որ ոտնահարվում են Մերձավոր Արևելքի երկրներում բնակվող 40 միլիոն քրդերի ազգային ու մշակութային իրավունքները։ Չելդերսը պահանջել է, որ ԵՄ-ը հետազոտի այս խնդիրը և աջակցի քրդերի իրավունքներին։
Նրա հետ համակարծիք էր ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Քեթրին Էշթոնը, ով հայտարարել է. «Եթե քրդերի պահանջները համապատասխանեն այն փոփոխություններին, որոնք տեղի են ունենում Մերձավոր Արևելքում, և նրանք որոշեն իրենց ճակատագիրն ու ապագան, ապա ԵՄ-ը չի խոչընդոտի նրանց և կհարգի նրանց որոշումները»։
Հիշեցնենք, որ Թուրքիայում բնակվում է 20-25 միլիոն քուրդ, Իրանում՝ 6.8 միլիոն քուրդ, Իրաքում՝ 6.2 միլիոն քուրդ, Սիրիայում՝ մոտ 3 միլիոն քուրդ։