«Թռչկանի վերաբերյալ առաջին հարցը բարձրացնելու պահին ճիշտ արձագանքել ենք, լսումներ ենք կազմակերպել, էկոլոգիական սահմանափակումները տվել ենք, մեր այցելությունների ժամանակ շինարարին հորդորել ենք, որ ջրվեժից վերև ջրառ չիրականացնի, որը ոչ թե խանգարում էր ջրվեժին, այլ որ մարդկանց մոտ թյուր տպավորություն չստեղծվեր»,- այսօր Աժ-ում հայտարարեց ՀՀ բնապահպանության նախարար Արամ Հարությունյանը` պատասխանելով պատգամավոր Վահագն Մախսուդյանի հարցին` արդյոք իսկապե՞ս բնապահպանները հաղթեցին:
Նա նշեց, որ Թռչկանի տարածքի նշանակությունը փոխվել է, և հարցն ամբողջությամբ փակվել է: «Ռոբշին» ընկերությունն այժմ կրկին թույլտվության գործընթաց պետք է անցնի, իսկ փորձաքննական և մյուս թույլտվությունները չեղյալ են հայտարարվելու:
Նախարարը հայտնեց, որ Թռչկանի սահմանները ճշգրտվելու են: Ճշգրտման կարիք կա նաև երկրի մյուս բնապահպանկան հուշարձանների սահմանների առումով:
