Новости-Азербайджан լրատվական գործակալության փոխանցմամբ՝ վերջին երկու օրերին Ադրբեջանում տեղի է ունեցել 3 երկրաշարժ։ Ադրբեջանի սեյսմիկ ծառայության հաղորդմամբ՝ վերջին երկրաշարժը գրանցվել է առավոտյան ժամը 07.00-ին Աղստաֆայից 22 կիլոմետր դեպի արևելք և ունեցել է 3 բալ ուժգնություն։
Մինչ այդ էլ՝ երեկ ցերեկը, ժամը 15.22-ին, 3.1 բալ ուժգնությամբ և 8 կիլոմետր խորությամբ երկրաշարժ է գրանցվել Մասալայի շրջանում։ Ժամը 01.49-ին էլ 3 բալանոց երկրաշարժ է տեղի ունեցել Կասպից ծովում, որի էպիկենտրոնը գտնվել է 37 կիլոմետր խորության վրա։