Ֆրանսիայի նախագահ Նիկոլա Սարկոզին, ելույթ ունենալով Ֆրանսիայում տեղի ունեցող G20-ի գագաթնաժողովին, խորհուրդ է տվել Հունաստանին լավ մտածել և ընդունել ԵՄ օգնության փաթեթը: Սարկոզին նշել է, որ Հունաստանում մեծ թվով պատասխանատվություն ունեցող քաղաքական գործիչներ կան, որոնք ԵՄ առաջնորդների բազմաթիվ կոչերից հետո կարող են գիտակցել ԵՄ օգնության ծրագիրն ընտրելու անհրաժեշտությունը:
Սարկոզին նշել է, որ «եվրոն Եվրոպայի սիրտն է, դա խաղաղության երաշխիքն է ամբողջ մայրցամաքում»: «Եթե եվրոն պայթի, կպայթի նաև ողջ Եվրոպան»,- հայտարարել է Ֆրանսիայի նախագահը:
Նա ավելացրել է, որ «Հունաստանը պետք է մնա եվրոգոտում», սակայն նշել է, որ չգիտի` «ինչ կարելի է անել, եթե հույներն իրենք դա չուզենան»:
