Ճապոնիայի կառավարությունը վթարային «Ֆուկուսիմա-1» ատոմակայանի օպերատոր «Տերասո» ընկերությանը կտրամադրի 900 միլիարդ յեն (մոտ 11,5 միլիարդ դոլար): Ինչպես հայտնում է Associated Press գործակալությունը, այդ որոշումը կայացվել է նոյեմբերի 4-ին:
Ինչպես հայտարարել են կառավարությունում, գումարը պետք է օգնի ընկերության ղեկավարությանը հաղթահարել ատոմակայանի վթարի հետևանքներով առաջացած դժվարությունները: Հատկացվող գումարից կվճարվեն ռեակտորի վերականգման աշխատանքները: Գումարը կհատկացվի հատուկ հիմնադրամից, որը ստեղծվել էր ճապոնական ատոմակայանների օպերատորների և կառավարության հետ համատեղ: Ավելի վաղ «Տերասո» ընկերությունը Ճապոնիայի կառավարությունից խնդրել էր տրիլիոն յեն՝ փոխհատուցումները վճարելու համար:
Հիշեցնենք, որ «Ֆուկուսիմա-1» ատոմակայանի մի քանի էներգաբլոկներում տեղի ունեցած հրդեհներն ու պայթյունները ատոմային էներգետիկայի պատմության մեջ ամենախոշոր վթարներից էր: Կայանից 20 կմ շրջագծով տասնյակ մարդիկ են տարհանվել: Հոկտեմբերի վերջերին կառավարությունը հայտարարել էր, որ ատոմակայանի գործունեության վերջնական կանգնեցման համար կպահանջվի առնվազն 30 տարի:
