1979 թ. իրանցի ուսանողների կողմից ԱՄՆ դեսպանատան գրավման 32-րդ տարելիցի կապակցությամբ այսօր Թեհրանում տեղի է ունենում բազմահազարանոց ցույց:
1979 թ. նոյեմբերի 4-ին այաթոլլա Խոմեյնիի` ծայրահեղ տրամադրություններով կողմնակիցները գրոհով վերցրին Թեհրանում ԱՄՆ դեսպանատան շենքը` պատանդ վերցնելով 52 աշխատակիցների, որոնց պահեցին 444 օր և ազատ արձակեցին միայն 1981 թ. հունվարին: Այդ դեպքը հանգեցրեց իրանա-ամերիկյան դիվանագիտական հարաբերությունների խզմանը, որոնք մինչ օրս վերականգնված չեն: Իսկ 1979 թ. նոյեմբերի 14-ին ԱՄՆ պատժամիջոցներ սահմանեց Իրանի դեմ:
Ինչպես հաղորդում է РИА Новости-ն, այսօր Թեհրանում ԱՄՆ նախկին դեսպանատան շենքի մոտ, որը ստացել է «լրտեսական բուն» անվանումը, հավաքվել են մի քանի հազար մարդ, որոնք վանկարկում են հակաամերիկյան և հակաիսրայելական կարգախոսներ:
Ակցիայի մասնակիցները կրում են ազգային դրոշներ, իսլամական հանրապետության հոգևոր առաջնորդ Ալի Խամենեիի նկարները, ինչպես նաև հակաիսրայելական և հակաամերիկյան պոստերներ` «Մահ Իսրայելին», «Մահ Ամերիկային», «ԱՄՆ-ը ահաբեկչության հովանավորն է», «վերջ տանք կապիտալիզմին, աջակցենք Ուոլ Սթրիթին» կարգախոսերով:
Ակցիան կազմակերպվել է իսլամական քարոզչության համակարգող խորհրդի հովանավորությամբ, որը ենթարկվում է Իրանի գերագույն առաջնորդի գրասենյակին: Ակցիային մասնակցում են դպրոցականներ, ուսանողներ, «Բասիջ» ժողովրդական միլիցիայի ուժերի ներկայացուցիչները:
Այս տարի հակաամերիկյան ցույցերը այլ երանգ են ստացել` կապված ԱՄՆ-ի կողմից Իրանի դեմ առաջ քաշված մեղադրանքների հետ Վաշինգտոնում Սաուդյան դեսպանի դեմ մահափորձ նախապատաստելու համար:
Համաձայն Իրանի իշխանությունների հայտարության` սպասվում է, որ փողոց դուրս կգա մինչև 3 մլն մարդ:
