Ադրբեջանական Trend լրատվական գործակալության փոխանցմամբ՝ Ադրբեջան այցելած Միջազգային ճգնաժամային խմբի (ICG) եվրոպական ծրագրերի տնօրեն Սաբինա Ֆրեյզերը լրագրողներին հայտարարել է, որ Թուրքիայի համար ծանր է լինելու Ղարաբաղյան հակամարտության կարգավորման գործընթացում որևէ ներդրում ունենալը.
«Թուրքիան մեծ դեր է խաղում Հարավային Կովկասի տարածաշրջանում։ Եթե Անկարան ցանկանում է իր ներդրումն ունենալ Ղարաբաղյան հակամարտության կարգավորման գործընթացում, ապա նա պետք է հարաբերությունները կարգավորի Հայաստանի հետ։
Թուրքիան ունի շատ հետաքրքիր և արդյունավետ առաջարկներ։ Այժմ օրակարգում է գտնվում հայ-թուրքական սահմանի բացման հարցը»։
Ֆրեյզերն անդրադարձել է նաև ՄԱԿ ԱԽ-ին Ադրբեջանի ժամանակավոր (01.01.2012 – 31.12.2013) անդամակցությանը. «Դա կբարձրացնի Ադրբեջանի միջազգային իմիջը, ինչը նրան պետք կգա ոչ միայն Ղարաբաղյան հակամարտության, այլև այլ գլոբալ խնդիրների կարգավորման ժամանակ»։
