Եթե Հունաստանը դուրս գա եվրագոտուց, մեխանիկորեն դուրս կգա նաև Եվրամիությունից: Այսպիսի հայտարարություն է արել Եվրամիության բարձրագույն գործադիր մարմնի ներկայացուցիչ Կարոլինա Կոտովան:
«Համաձայն գործող օրենսդրության` երկիրը չի կարող դուրս գալ եվրագոտուց և մնալ Եվրամիության մեջ»,- նշել է Կոտովան և ավելացրել, որ բոլորը հանդես են գալիս Հունաստանի` եվրագոտում մնալու օգտին:
«Դրա համար կան բոլոր անհրաժեշտ գործիքները, ձեռք են բերվել համապատասխան պայմանավորվածություններ: Այլ տարբերակներ չեն քննարկվում»,- ասել է նա:
