ԱՄՆ նախագահ Բարաք Օբաման G20-ի գագաթնաժողովից առաջ հայտարարել է, որ ԱՄՆ-ը կշարունակի աջակցել Եվրոպային` եվրագոտում ճգնաժամը հաղթահարելու համար:
Ինչպես հայտնում է РИА Новости գործակալությունը, Ֆրանսիայի նախագահ Նիկոլա Սարկոզիի հետ հանդիպումից հետո` համատեղ մամլո ասուլիսի ժամանակ Օբաման հայտնել է, որ կողմերը քննարկելու են Հունաստանի դրությունը և մշակելու են համատեղ գործողությունների ծրագիր իրավիճակը շտկելու համար:
Հունաստանի վարչապետ Յորգոս Պապանդրեուն առաջարկել էր այս շաբաթ անցկացնել հանրաքվե ԵՄ առաջարկած վարկային ծրագրի շուրջ:
Հիշեցնենք, որ G20-ը ձևավորվել է 1999 թվականին և սկզբնապես իր գագաթնաժողովներն անցկացրել է ֆինանսների նախարարների մակարդակով: