Թուրքական Sabah թերթի փոխանցմամբ՝ Հունաստանը մարել է Թուրքիայի գազային պարտքի 60 տոկոսը՝ 172 միլիոն դոլար։ Այս մասին հայտարարել է Թուրքիայի էներգետիկ և բնական պաշարների նախարար Թաներ Յըլդըզը։
Վերջինիս խոսքերով՝ Հունաստանի այդ գազային պարտքը (խոսքը թուրքական տարածքով դեպի Հունաստան տարանցվող ադրբեջանական գազի մասին է) ձևավորվել է վերջին երկու տարիների ընթացքում՝ ասնելով 300 միլիոն դոլարի։
Յըլդըզը նշել է, որ Հունաստանը մնացյալ պարտքից 34.5 միլիոն դոլար էլ վճարելու է նոյեմբերի 30-ից հունվարի 31-ն ընկած ժամանակահատվածում։
Հիշեցնենք, որ Թուրքիան ադրբեջանական «Շահ Դենիզ» գազային հանքավայրի առաջին փուլից ստացված գազից տարեկան 750 միլիոն խորանարդ մետր գազ է վերարտահանում դեպի Հունաստան։
